Presidenca thotë se nuk konsultohet me Serbinë për krijimin e ushtrisë. Dhe, nëse kjo pritej atëherë po, është hap i njëanshëm.
Kështu u shpreh për Rubikon të KTV-së këshilltari i presidentit Thaci, Ardian Arifaj.
Sipas tij, Kosova nuk mund të mbetet peng i politikës së Beogradit.
“Nëse pritet që të konsultohemi me Serbinë dhe Beogradin për krijimin e ushtrisë atëherë vërtet është hap i njëanshëm”, ka thënë Arifaj.
“Nuk kemi pse të mbetemi peng i politikës së Beogradit për një çështje si krijimi i ushtrisë. Në anën tjetër, jo vetëm Presidenti por edhe liderët tjerë nuk e kanë fshehur aspiratën për kalimin e FSK-së në ushtri të Kosovës”, ka thënë tutje ai.
Nuk është lajm që vjen prej qiellit, thotë Arifaj.
“Nuk është urgjencë dhe nuk kuptoj pse po merret si i tillë”, ka thënë ai.
-
8 mars 2017 20:20
-
Shpërndaje në: