Kryeministri i Republikës së Kosovës, Ramush Haradinaj, ka pranuar telegram urimi nga kryetarja e Komunës së Preshevës, Ardita Sinani.
Në urim thuhet:
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoI nderuari z. Haradinaj,
Më lejoni që në emrin tim dhe në emër të qytetarëve të komunës së Preshevës t’ua uroj zgjedhjen Tuaj në pozitën e Kryeministrit të Kosovës.
Roli dhe pozita e kryeministrit të Kosovës nuk është privilegj por përgjegjësi. Unë si kryetare e komunës së Preshevës, jam e bindur në gatishmërinë Tuaj që do të jepni kontributin e pa rezervë për zgjidhjen e problemeve jetësore me të cilat përballen qytetarët e Republikës së Kosovës dhe ata të komunës së Preshevës.
Besoj në vullnetin Tuaj për të pasur bashkëpunim vëllazëror për shumë tema të ndjeshme që kërkojnë zgjidhje të përbashkët.
Kontributi Juaj i pashtershëm në ruajtjen e paqes dhe stabilitetit në rajon, është ndihma më e madhe për shqiptarët e Luginës së Preshevës.
Qytetarët e Komunës së Preshevës në veçanti dhe të Luginës në përgjithësi e shohin mundësi të artë rolin e Republikës së Kosovës dhe të institucioneve të saj, që shqiptarët e kësaj treve të gëzojnë po ato të drejta që gëzojnë pakicat tjera në Serbi.
Me besimin që bashkëpunimi ynë do të vazhdojë edhe më tej, pranoni edhe një herë urimet e mia më të përzemërta.