Me mbështetjen e Ministrisë së Tregtisë dhe Industrisë, përkatësisht Agjencisë për Investime dhe Përkrahjen e Ndërmarrjeve në Kosovë (KIESA), tetë operatorë turistikë vendës po marrinë pjesë në panairin “ITB Berlin 2017” që po mbahet në Berlin të Gjermanisë.
Gjatë panairit operatorët turistik po prezantojnë ofertat e tyre individuale dhe mundësitë që i ofron Kosova në përgjithësi në fushën e turizmit. Ofertat të cilat po prezantohen janë të larmishme pasi ato përfshijnë: aktivitete të ndryshme në natyrë, ecje, çiklizëm, vizita në vende me trashëgimi kulturore dhe historike, etj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPjesëmarrja e Kosovës në panairin “ITB Berlin 2017”, synon të forcojë lidhjet ekzistuese me sektorin e turizmit në Gjermani dhe me tregje të tjera ndërkombëtare, të prezantojë paketat e reja turistike për sezonin e vitit 2017 dhe të ndajë informata të përgjithshme për Kosovën.
Kosova në këtë panair prezantohet në mesin e mbi 180 vendeve pjesëmarrëse.
Në shtandin e Kosovës së bashku me përfaqësuesit e KIESA-s, ofertat turistike po i promovojnë këta tour operatorë dhe agjenci turistike: : “Kosova Holidays”, “Altavia Travel”, “Traveks”, “Vas Tour”, “Outdoor Kosovo”, “Fibula”, “Eurokoha” dhe “Catun”.
Pjesëmarrja e Kosovës në panairin “ITB 2017”, është organizuar nga Ministria e Tregtisë dhe Industrisë përkatësisht Agjencia për Investime dhe Përkrahjen e Ndërmarrjeve në Kosovë (KIESA), me mbështetje nga Swisscontact – Promoting Private Sector Employment dhe USAID EMPOWER Private Sector.
Panairi është i hapur nga data 08 – 12 mars 2017.