MASHT-i planifikon disa hulumtime në terren para testit “PISA 2018”

MASHT-i planifikon disa hulumtime në terren para testit “PISA 2018”

15 gusht 2017 07:01

Rreth 80 mijë euro pritet t’i kushtojnë Ministrisë së Arsimit, Shkencës dhe Teknologjisë (MASHT) disa hulumtime në terren që pritet të bëhen në muajt e ardhëm të këtij viti, me synim që të evidentohen shkaktarët e rezultateve të dobëta të testit “PISA 2015”, shkruan sot Koha Ditore.

Por, po ashtu, do të nxirren ide për veprime konkrete para testit të ardhshëm “PISA 2018”.

Një hulumtim pritet të bëhet në Fakultetin e Edukimit, ku parashihet të shikohet nëse programet e këtij fakulteti janë kompaktibile për përgatitjen e mësimdhënësve.

Se duhet të kryhen këto hulumtime e ka konstatuar një grup punues i formuar nga MASHT-i, derisa tek në dhjetor të këtij viti pritet të hartohet raporti përfundimtar nga gjetjet në terren.

Nga ana tjetër, ka mbetur një periudhë e shkurtër deri tek testi “PISA 2018”, i cili do të mbahet në pranverë të vitit të ardhshëm.

Gazeta ka mësuar se që nga krijimi i grupit punues është mbajtur vetëm një takim derisa të kundërtën e thotë udhëheqësi i grupit punues, Ferit Idrizi sipas të cilit, deri më tani grupi ka mbajtur 4 takime.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme