Kolumnisti i Kohës Ditore, Lumir Abdixhiku ka thënë se Kosova s’ka çfarë t’i bëjë Francës, por Serbisë po.

Përmes një postimi në Facebook ai ka thënë se ndaj Serbisë duhet të ketë sanksione ekonomike deri në tërheqjen e secilit fletëarrest, transmeton Koha.net.

“ Francës, përveç keqardhjes që respekton urdhëresa të Millosheviqit, ndoshta dhe s'kemi çfarë t'i bëjmë. Serbisë po. Sanksione ekonomike deri në tërheqjen e secilit fletëarrest. Le t’i kushtojë më pas secila ditë e qëndrimit të Ramushit atje, 1 milion euro - në ditë, secilën ditë - tregti Serbisë”, ka shkruar Abdixhiku.

Vendimi për Ramush Haradinaj, që po mbahet në Francë për shkak të një fletëarresti të Serbisë, është shtyrë për 6 prill.