Sonte në emisionin “Puls” të KTV-së do të diskutohet për degradimin dhe mungesën e sigurisë në ndërtesa.
Në emision, të ftuar janë: Ramë Hamzaj - Udhëheqês i Divizionit të Banimit në Departamentin e Planifikimit Hapësinor, Ndërtimit dhe Banimit – MMPH; Shyqeri Kabashi - Kolegji Biznesi; Driton Tafallari - Drejtor ekzekutiv i OJQ-së Developing Together; dhe Drilon Pireva - Udhëheqës i Departamentit të Mirëmbajtjes në Ndërmarrjen Publike Banesore – Prishtinë.
1. Në çfarë gjendje janë ndërtesat në bashkëpronësi para dhe pasluftës të ndërtuara në Kosovë?
2. Kush e ka përgjegjësinë për kaosin që ekziston sa i përket mirëmbajtjes dhe pastrimit?
3. Përgjegjësia në aspektin e sigurisë në rastet e zjarrit dhe ashensorëve jofunksional dhe shumë të rrezikshëm?
4. Cila është përgjegjësia e Ministrisë së Mjedisit dhe Planifikimit Hapësinor- komunave dhe ndërmarrjeve banesore?
5. Pse ky ligj për mirëmbajtjen e hapësirave kolektive në ndërtesat shumëkatëshe nuk ka funksionuar asnjëherë sa i përket mirëmbajtjes kolektive?
6. A ka mungesë të kulturës së banimit kolektiv në Kosovë?
7. Si e ka rajoni të rregulluar participimin dhe detyrimin për mirëmbajtjen e ndërtesave shumëkatëshe?
8. Sa janë të rrezikuar qytetarët që jetojnë në ndërtesa shumëkatëshe në rast të ndonjë zjarri?
Emisionin “Puls” mund ta ndiqni sonte prej orës 20:00 në KTV dhe TV ARTA nga ora 21:40.
-
17 korrik 2017 15:18
-
Shpërndaje në: