Vuçiq s’dëshiron t’ua lë barrë fëmijëve pavarësinë e Kosovës

Vuçiq s’dëshiron t’ua lë barrë fëmijëve pavarësinë e Kosovës

11 korrik 2017 12:16

Presidenti i Serbisë, Aleksandar Vuçiq, i tha Happy TV, siç transmeton gazeta e Beogradit, “Novosti”, se shpreson që në raport me Kosovën të kenë fuqinë që gjërat t’i vendosin në nivel racional, ndryshe “atë disfatë do ta bartim në shpinën tonë”.

Siç citohet të ketë thënë, ai ka drojë nëse do të jenë në gjendje ta parashtrojnë atë dialog, është skeptik sa i përket suksesit, por ka thënë se ky dialog me siguri do të hapet, transmeton Koha.net.

Sidoqoftë, ka shtuar ai, nëse duhet të zgjedhë ndërmjet konfliktit të ngrirë ose kërkimit të zgjidhjes, ai është i përcaktuar qartë për opsionin e dytë.

“Thuaja jam i sigurt se nuk do të zgjidhim problemin, pavarësisht nga dëshira ime se kjo do të ishte e mirëseardhur dhe e dobishme për Serbinë”, është shprehur ai.

“Mendoj dhe shpresoj se do të kemi fuqi që çështjet t’i shtrojmë në nivel racional, e nëse nuk do të kemi forcë atëherë kjo do të jetë disfatë, që do ta bartim në shpinën tonë. Dhe kjo nuk do të jetë asgjë e re në historinë serbe, do të ishte risi të dalim nga konflikti i ngrirë”, ka thënë Vuçiq.

Shprehet i bindur edhe se është iluzion dhe përrallë për fëmijë të vegjël se SHBA do të heqë dorë nga kërkesa për njohjen e pavarësisë së Kosovës.

“Perëndimi na kërkon të vazhdojmë bisedimet, por është e qartë se kjo shkon në drejtimin që e mbështet pjesa më e madhe e vendeve, e kjo do të thotë në drejtim të njohjes së pavarësisë, ndërsa nga ana tjetër kemi përkrahjen e Rusisë, të Kinës dhe Indisë e të tjerëve”, thotë Vuçiq.

Ai konsideron se është mirë të kemi mite, që të mendojmë mirë për Serbinë, por është i bindur edhe se duhet të jetojmë për fëmijët tanë dhe se duhet të shikojmë nga e ardhmja, transmeton Koha.net.

“Kjo nuk do të thotë se do të njohim Kosovën. Ne serbët kemi nevojë patologjike që t’i zvarrisim gjerat, ndërsa ato me kalim të kohës bëhen gjithnjë më të rënda. Askush nuk ka guximin ta thotë të vërtetën në sy”, shprehet ai, duke i lutur përfaqësuesit e shoqërisë civile dhe politikanët e Serbisë, të gjithë ata që marrin pjesë në jetën politike, që të bëhen pjesë e debateve rreth kësaj teme.

Meqë, siç ka thënë ai, është mirë të dëgjohen qëndrime të ndryshme, të zhvishen të gjitha palët dhe pastaj të gjendet mesi me vështrim – çfarë mund të bëjmë.

të doja, fjala vjen, ka thënë Vuçiq, që barrën e rëndë të mos ua lëmë fëmijëve tanë, por që “së paku mes nesh ta zgjidhim dhe ta heqim nga shpina jonë – kjo nuk do të thotë, siç mendojnë disa, njohjen e pavarësisë, por të gjejmë një qasje reale dhe racionale”, transmeton Koha.net.

© KOHA. Të gjitha të drejtat janë të rezervuara.

Komentet

Shto koment

Të ngjashme