Bashkimi Europian planifikon të japë mjete financiare për ndërtimin e Qendrës humanitare në aeroportin Ponikve tek Uzhica në Serbi, shkruan sot gazeta e Beogradit "Danas".
Duke u thirrur në burimet e veta diplomatike, kjo gazetë thekson se projekti është ende në fazën e shqyrtimit dhe se në të është e përfshirë edhe SHBA-ja përmes ambasadës së vet në Beograd, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQendra humanitare do të duhej t’i bëhej pandan qendrës ruso-serbe në Nish.
Qendrën në Nish SHBA-ja e konsideron stacion spiunimi të Rusisë për të vëzhguar forcat amerikane dhe ato KFOR-it në Kosovë.
Drejtori i aerodromit Ponikve Sasha Saviq ka thënë se ky aeroport vjet ka konkurruar te Delegacioni i BE-së në Serbi për ndërtimin e qendrës për situata emergjente që do të duhej të mbulonte Serbinë Perëndimore, Bosnjën Lindore dhe Malin e Zi verior.
Sipas fjalëve të tij, kjo ide ka hyrë në projekt por konfirmimi i realizimit ende nuk ka arritur.
"Na kanë vizituar përfaqësuesit e ambasadës së SHBA-së në Beograd dhe na kanë thënë se ideja është interesante. Po presim edhe përgjigjen tyre”, ka thënë Saviq.