Arbëri

Tre të vdekur nga koronavirusi në Shqipëri të shtunën

Tre persona kanë vdekur nga koronavirusi në Shqipëri gjatë së shtunës, derisa nga 3.549 testime, 428 persona kanë rezultuar pozitivë. Sipas Ministrisë së Shëndetësisë, gjatë 24 orëve të fundit janë regjistruar 501 pacientë të shëruar, duke çuar numrin e të shëruarve në 168.437.

MSH-ja bën me dije se që nga fillimi i pandemisë në Shqipëri kanë rezultuar pozitivë me COVID-19 177.536 persona, derisa kanë vdekur 2.810 pacientë.

Aktualisht numri i rasteve aktive me COVID-19 është 6.289.