Arbëri

Afro 20,000 raste aktive me COVID-19 në Kosovë

Rastet e reja me COVID-19 ditëve të fundit në Kosovë kanë shënuar një rënie të lehtë, por shqetësues mbetet numri i lartë i vdekjeve.

Vetëm gjatë ditës së premte 30 qytetarë kanë humbur betejën me koronavirus.

Ndërsa numri i rasteve aktive në nivel vendi është rreth 20 mijë.

“Nga 9.415 testime, 685 qytetarë kanë rezultuar pozitiv me virusin COVID-19. Gjatë 24 orëve të fundit, janë shënuar 30 raste të vdekjes. Sot janë shëruar 1.384 qytetarë, derisa numri i përgjithshëm i të shëruarve është 133.314. Në total numri i rasteve aktive është 19.923”, thuhet në raportin e fundit të MSh-së.

Në 24 orët e fundit janë dhënë 20.646 doza të vaksinës kundër COVID-19. Deri më tani, 347.344 qytetarë janë vaksinuar me dozën e dytë.