Rruga e Kosovës drejt BE-së nuk ka kthim.
Kështu ka thënë kryeministri në detyrë, Isa Mustafa derisa ka marrë pjesë si kryetar i LDK-së në një samit të Partive Popullore Evropiane.
Mustafa ka shkruar në Facebook se partia e tij si anëtare e denjë e EPP-së, po punon fuqishëm që të sigurojë përkrahjen e pazëvendësueshme të EPP-së për Kosovën në institucionet e BE-së dhe në çdo aspekt tjetër.
Postimi i plotë i Mustafës:
Partia Popullore Evropiane, ku bëjnë pjesë subjektet politike më të fuqishme të qendrës së djathtë në BE, mbështet rrugën e Kosovës e të Ballkanit Perëndimor drejt zhvillimit ekonomik dhe integrimit evropian.
LDK-ja, si anëtare e denjë e EPP-së, po punon fuqishëm që të sigurojë përkrahjen e pazëvendësueshme të EPP-së për Kosovën në institucionet e BE-së dhe në çdo aspekt tjetër.
Në Samitin e sotëm në Bruksel ishin liderët kryesorë të BE-së dhe vendeve anëtare.
Rruga e Kosovës drejt BE-së nuk ka kthim!
-
22 qershor 2017 22:12
-
Shpërndaje në: