Emiratet e Bashkuara interesohen për sistemin shëndetësor të Kosovës

Emiratet e Bashkuara interesohen për sistemin shëndetësor të Kosovës

14 shkurt 2017 14:46

Zëvendësministri i Financave, Agim Krasniqi, ka pritur sot zëvendësambasadorin e Emirateve të Bashkuara Arabe në Podgoricë, Ibrahim Alalawi, i shoqëruar nga përfaqësuesit e kompanisë DAMAN, kompani me renome botërore për sigurimet shëndetësore nga Abu Dhabi.

Në këtë takim u diskutua për rolin e Ministrisë së Financave në sistemin e kujdesit shëndetësor, në veçanti për përgatitjen dhe menaxhimin e buxhetit për këtë sektor si dhe bashkëpunimin ndërmjet dy vendeve për sa i përket këtij sektori, transmeton Koha.net.

Përfaqësuesit e kompanisë DAMAN, gjithashtu shprehën interesimin e tyre për të parë për së afërmi dhe për të vlerësuar situatën sa i përket sigurimeve shëndetësore në Kosovë, si dhe njoftuan zëvendësministrin Agim Krasniqi, me përgatitjen nga ana e tyre të një udhërrëfyesi lidhur me implementimin e sigurimeve shëndetësore.

© KOHA. Të gjitha të drejtat janë të rezervuara.

Komentet

Shto koment

Të ngjashme