Qe 21 vjet, Lutfije Ademi nuk e di se ku gjendet vëllai i saj që u zhduk gjatë luftës në Kosovë.
Për këtë shkak, ajo nuk po pajtohet që Kosova të rifillojë dialogun me Serbinë.
Vazhdimin e dialogut dhe takimi i Washingtonit po kundërshtohet edhe nga Këshilli Koordinues i Familjarëve të personave të zhdukur, raporton KOHA.
Madje këta të fundit kanë paralajmëruar edhe protesta kundër vazhdimit të dialogut.
Komisioni Qeveritar për Personat e Zhdukur po kërkon që Serbisë t’i bëhet presion për të treguar të dhëna për vendndodhjen e më shumë se 1600 personave që u zhdukën gjatë luftës së fundit.
Kushtrim Gara nga ky institucion kërkon që çështja e të pagjeturve të jetë prioritet në dialogun Kosovë - Serbi.
Ndërsa Haki Kasumi nga Shoqata për hulumtime dhe fatet e personave të pagjetur thotë se për të arritur paqe është i domosdoshëm dialogu.
Dialogu mes Kosovës e Serbisë ishte ndërprerë në nëntor të 2018-s, pasi Qeveria e Kosovë u kishte vënë taksë 100% mallrave me origjinë serbe.
Takimi i 27 Qershorit në Washington do t’i rikthejë palët sërish në dialog, pasi Kosova ka hequr të gjitha pengesat.
-
20 qershor 2020 19:10
-
Shpërndaje në: