Arbëri

Në Infektivë po bëhen përgatitje për ta përballuar rritjen eventuale të të infektuarve

Dy paciente mbi moshën 70-vjeçare janë në gjendje të rëndë shëndetësore, shkaku i koronavirusit.

Njëra nga Komuna e Pejës e tjetra nga Gjilani, kanë edhe sëmundje të tjera shoqëruese.

Infektologu Shemsedin Dreshaj, kujdestar në Klinikën Infektive, ka treguar më shumë për gjendjen e tyre shëndetësore, raporton KOHA.

Dreshaj ka treguar se gjatë së shtunës janë shëruar edhe dy pacientë dhe të njëjtët janë liruar për në shtëpi.

Nga data 08 shkurt deri më 10 prill, në Laboratorin e Mikrobiologjisë Molekulare në IKSHPK, janë testuar gjithsej 2.876 persona prej tyre mbi 200 kanë rezultuar pozitivë me Covid 19.

Përderisa janë shëruar 52 të infektuar, koronavirusi në vendin tonë ka marrë jetën e 7 personave.