Komisioni Qendror i Zgjedhjeve ka publikuar të dielën listat e votuesve jashtë Kosovës.
Në këtë listë shihet se votuesit nuk janë vetëm shqiptarët që kanë shtetësinë e Kosovës dhe dëshirojnë të votojnë jashtë vendit, por edhe qytetarë të nacionalitetit serb.
Në total numri i tyre rezulton të jetë 14.808 persona. Menjëherë pas publikimit të listës së votuesve jashtë vendit kanë filluar edhe ankesat dhe reagimet për mosgjetje të emrit në listë. Shumë aplikues nuk e kishin gjetur emrin në listë dhe nuk kishin marrë e-mail refuzues, gjë që u ka shkaktuar konfuzion. Njëri nga ta ka qenë edhe gazetari Enver Robelli, i cili ka shkruar në llogarinë e tij në “Facebook” në lidhje me këtë problem, duke e quajtur si “masakër burokratike të KQZ-së”.
Duke përmendur se në zgjedhjet e vitit 2010 ka votuar pa problem në Kosovë, ndërsa në zgjedhjet e vitit 2014 ka votuar pa problem nga jashtë Kosovës, ai është ndalur te zgjedhjet e 11 qershorit. Sipas asaj që ka shkruar në rrjetin social, Robelli ka plotësuar formularët për t’u regjistruar si votues, i ka dërguar me e-mail, por nuk i ka shkuar asnjë konfirmim... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
