Arbëri

Kush vëren rritje të çmimeve të produkteve mund të raportojë në numrin 0800 80 800

Foto: Koha

Tashmë kur edhe në Kosovë është rritur paniku për shkak të frikës nga koronavirusi, e qytetarët kanë nisur të blejnë ushqime me shumicë, shumë dyqane e markete të mëdha i kanë rritur çmimet.

Zyrtarë të ndryshëm të Qeverisë së Kosovës, kanë bërë thirrje tek qytetarët të lajmërojnë në numrin 0800 80 800, për të raportuar nëse hasin në rritje çmimesh.

“Tashmë produktet ushqimore dhe barnat në vendin tonë janë më të shtrejtat në rajon. Shumë prej produkteve ushqimore bazike janë më lirë në Gjermani, Austri e në Angli sesa në Kosovë. Shumë familje mezi ia dalin të sigurojnë ushqimet e nevojshme. Nuk ka hapësirë për rritje të mëtutjeshme të çmimeve. Është e papranueshme dhe bizneset që rrisin çmimet duhet të ndëshkohen dhe do të ndëshkohen. Mos hezitoni të telefoni ATK-në në 0800 80 800”, është statusi që kanë publikuar ministri Besnik Bislimi, Fitore Pacolli nga Vetëvendosja e shumë të tjerë, raporton KOHA.

Dje kryetari i Autoritetit Kosovar të Konkurrencës, Valon Pestreshi, hasi në një produkt që ishte rritur nga 35 cent në 90 cent, që i bie është shtrenjtuar 200 për qind.

Dje kryetari i Autoritetit Kosovar të Konkurrencës, njoftoi se do të thërrasë mbledhje urgjente të Komisionit të AKK-së ku do të koordinohen me Qeverinë rreth veprimeve që do të ndërmerren pas shqetësimeve që AKK-ja thotë t’i ketë pranuar nga qytetarët dhe opinioni publik për rritjen e çmimeve të produkteve ushqimore gjatë situatës së krijuar të COVID-19.