Arbëri

ORCA kërkon hetime për denoncimet e anëtares së Këshillit Drejtues të UP-së

Foto: Koha / ilustrim

ORCA shpreh shqetësimin e thellë për përmbajtjen e letrës drejtuar rektorit të UP-së, Marjan Dema, dhe ministres së Arsimit Hykmete Bajrami nga ana e anëtares së Këshillit Drejtues të UP-së, Laura Kryeziu – Selimi, e cila ka listuar një sërë shkeljesh në Universitetin e Prishtinës.

Denoncimet e zonjës Kryeziu – Selimi duhet të merren seriozisht nga MAShTI dhe institucionet hetimore në vend, pasi ato vijnë nga dikush që ka pasur qasje në informacion dhe që ka përcjellë për një kohë relativisht të gjatë nga një pozitë drejtuese zhvillimet në UP, thuhet në njoftimin e ORCA-s.

Disa nga denoncimet e saj, që lidhen me pagat e zyrtarëve të lartë të UP-së, deri tash i ka ngritur edhe ORCA nëpër hulumtimet e veta.

Me këtë rast ORCA pret nga Ministria e Financave, MAShTI dhe Qeveria në përgjithësi, që të ndërhyjnë për të vënë rregull, rend e ligj në Universitetin e Prishtinës pasi autonomia që gëzon universiteti lidhet vetëm me zbatimin e ligjeve dhe çështjet akademike siç janë përcaktuar me ligj. Autonomi për të bërë keqpërdorime nuk gëzon dhe nuk duhet të gëzojë askush në Kosovë.

{gallery}