Prishtinë, 25 maj – Është kthyer në rivendosje aktakuza në rastin e Sali Mekajt. Këtë vendim e ka marrë Gjykata e Apelit, të cilën e ka udhëhequr Mekaj deri vitin e kaluar, bën të ditur KTV.
“Është aprovuar ankesa e të pandehurit S. M. dhe mbrojtësve të pandehurve S. M., V. G. dhe M. S.,e sipas detyrës zyrtare edhe të pandehurit A.S. Aktvendimi i Gjykatës Themelore i datës 16.02.2017, më anë të të cilit ishte refuzuar kundërshtimi i provave në aktakuzë dhe hedhja e aktakuzës, është anuluar dhe çështja i është kthyer shkallës së pare në rivendosje”, është thënë në një komunikatë të Gjykatës së Apelit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSali Mekaj dyshohet për keqpërdorim të detyrës. Kolegji i Gjykatës së Apelit ka konstatuar se gjykata e shkallës së parë ka qenë e detyruar të japë arsye konkrete se pse provat janë të pranueshme dhe pse ka gjetur se kundërshtimi i provave dhe kërkesa për hedhje të aktakuzës është e pabazuar, duke përfunduar se Gjykata Themelore ka bërë shkelje të theksuara në këtë rast.
Gjyqtari Shasivar Hoti e ka mbyllur për publik gjykimin për korrupsion në rastin e Sali Mekajt. Ky ka qenë një prej vendimeve të tilla të vetme, ku Gjykata ka vendosur të mbyllë krejt gjykimin, e jo seancat veç e veç.