Arbëri

Një 25-vjeçar vdiq pas aksidentimit të autoambulancës me të cilën po transportohej në QKUK

Nga Spitali rajonal i Gjilanit po transportohej për në Qendrën Klinike Universitare 25-vjeçari A.SH., por gjatë rrugës ai ka vdekur pas një vetaksidenti të shoferit të autoambulancës.

Ai kishte marrë trajtim paraprakisht në spitalin e qytetit pas një aksidenti trafiku, por ishte nisur të dërgohet në QKUK shkaku i plagëve, raporton KTV.

Sipas drejtorit, autoambulanca ishte në gjendje të rregullt.

Në këtë aksident janë lënduar edhe një mjek, një teknik dhe shoferi i autoambulancës.

Sipas Policisë, shkaqet e vetaksidentit ende nuk janë krejtësisht të qarta.

Prokuroria Themelore e Gjilanit ka filluar hetimet për rastin derisa në mbajtje për 48 orë për vdekjen e A.SH., është vetëm personi që kishte shkaktuar aksidentin e parë, në të cilin ishte përfshirë viktima.

Sipas njoftimit, O.K që ishte në veturë më viktimën, kishte shkaktuar vetaksident rreth orës 20 në Gjilan, për shkak se nuk e kishte përshtatur shpejtësinë me kushtet e rrugës.

Në shtëpinë e viktimës të enjten është hapur edhe e pame. Familjarët shkurt kanë thënë se nuk i kanë të qarta ende detajet nga aksidenti.