Arbëri

Bulliqi jashtë listës së LDK-së, vendimi përfundimtar nesër

Ish-deputeti i LDK-së, Shpejtim Bulliqi, nuk pritet të jetë pjesë e listës zgjedhore të LDK-së për zgjedhjet e 11 qershorit.

Ai ka konfirmuar për Koha.net se Dega e LDK-së në Podujevë ka vendosur që Bulliqi të mos jetë kandidat për deputet.

“Pas takimit të mbajtur nga dega e LDK-së në Podujevë, është marrë vendimi që të mos jem kandidat për deputet i kësaj dege”, është shprehur ai.

Megjithatë, ka shtuar se një vendim përfundimtar do ta marrë Këshilli i Përgjithshëm i LDK-së, të enjten.