Arbëri

Pacolli thotë se u tradhtua tre herë

Lideri i AKR-së, Behgjet Pacolli, thotë se qeveria duhej të rrëzohej më herët.

Megjithatë, ai vlerëson se më mirë që ka ndodhur tani se sa të mbetej për më vonë.

Sipas Pacollit humbësi më i madh ishte qytetari.

Pacolli në Rubikon të KTV-së ka thënë se është tradhtuar tre herë.

“Te posti i presidentit që nuk e di se kush ka qenë ai drejtuesi i krejt atij inskenimi por nëse ka pas dorë PDK-ja atëherë nuk është asgjë befasuese duke marrë parasysh çka ka ndodh më tutje. Jam tradhtuar herën e dytë në mos implementimin e kontratës, kontratë e lidhur mes PDK-së e LDK-së. Një kusht tjetër ishte se nuk u krijua asnjëherë hapësira për të vepruar”, ka thënë ai.