Refuzimi i ministrit të Drejtësisë, Abelard Tahiri, për të raportuar në Komisionin për Legjislacion, ka përplasur deputetët e opozitës dhe pushtetit, anëtarë të këtij komisioni.
Tahiri ishte paraparë të raportojë për gjendjen në administratën e sistemit të drejtësisë, pagat në shërbimin korrektues dhe konkursin e noterëve, raporton KTV.
Procesi në këtë konkurs u kritikua nga opozita dhe u vlerësua i manipuluar.
Mosardhjen e ministrit Tahiri për raportim deputetët e cilësuan skandaloze.
Por, ministri Tahiri u mbrojt nga deputeti Hajdar Beqa, i cili kërkoi që të mos diskutohet për konkursin e noterëve dhe çështjet e tjera pa praninë e tij
Deputetja Albulena Haxhiu u kritikua për moskomunikim të mirë me anëtarët e komisionit nga deputetja Xhevahire Izmaku, e cila tha se do të kërkojë nga Vetëvendosja që ajo të tërhiqet nga kryesimi i komisionit.
Kurse, Haxhiu insistoi të flasë për dy letrat që i adresoi ministrit Tahiri.
Ministri Ablerad Tahiri për herë të dytë nuk ishte i pranishëm të raportojë në këtë komision.
Deputetët, pavarësisht kritikave, u pajtuan që ta ftojnë sërish Tahirin për raportim më 15 korrik.
-
9 korrik 2019 21:07
-
Shpërndaje në: