Kryetarja e Komisionit për Legjislacion, Mandate, Imunitete, Rregullore të Kuvendit e Mbikëqyrje të Agjencisë Kundër Korrupsionit, Albulena Haxhiu, i ka dërguar një letër ministrit të Drejtësisë, Abelard Tahiri, në të cilën janë paraqitur ankesat e shumë kandidatëve në procesin e rekrutimit për noterë të rinj.
Haxhiu, përpos që e ka ftuar sërish Tahirin në raportim para këtij komisioni pasi që ky i fundit sot nuk u paraqit para deputetëve, ka thënë se ka shumë kandidatë që nuk janë të kënaqur me procesin e rekrutimit për noterë të rinj, raporton Koha.net.
“Ministri i Drejtësisë, Abelard Tahiri, refuzoi të jetë i pranishëm për raportim në Komisionin për Legjislacion. Edhe përkundër këtij refuzimi, ne sërish vendosëm ta ftojmë në raportim të martën tjetër. Por deri atëherë, lidhur me skandalin e rekrutimit të noterëve të rinj, ia dërgova këtë letër që është në fakt kërkesë e shumë kandidatëve që padrejtësisht janë përjashtuar nga ky proces”, shkroi Haxhiu në Facebook.
E madje në mesin e tyre është edhe djali i axhës së kryetarit të PDK-së, Kadri Veselit.
-
2 korrik 2019 16:48
-
Shpërndaje në: