Presidenti i Serbisë Aleksandar Vuçiq, sot në Shkup ka deklaruar se ka biseduar me presidentin e Shqipërisë, Ilir Metën dhe më së shumti ka folur me presidentin e Bullgarisë Rumen Radev dhe me presidentin e Kosovës, Hashim Thaçi.

Presidenti serb, medieve serbe nuk ju ka treguar se çka ka biseduar me presidentin e Kosovës, Hashim Thaçi.

Ai, siç njofton Blic i Beogradit, ka thënë se Serbia dhe Republika e Maqedonisë Veriore do t’i heqin pengesat për t’i përmirësuar marrëdhëniet që tash për tash i rëndojnë të dy vendet, transmeton Koha.net.

Vuçiq ka shtuar se do t’i dërgojë një ftesë zyrtarë presidentit të sapo inauguruar, të Maqedonisë së Veriut, Stevo Pendarovskit që ta vizitojë Beogradin.

Lexo edhe: Stevo Pendarovski inaugurohet president i Maqedonisë së Veriut