Arbëri

Vetëvendosje: Z-mobile duhet të ndalohet me ligj

Lëvizja Vetëvendosje ka reaguar ndaj kompanisë Devolli dhe kërcënimet siç i kanë quajtur ata të pronarëve të saj për vazhdimin e kontratës me Telekomin.

Deputeti Glauk Konjufca ka thënë se shumë shpejt do e sjellin në Kuvend një ligj i cili e ka një pikë specifike ndalimin e operatorëve virtualë mobilë në Kosovë.

Pra Konjufa tha se Z-mobile duhet të ndalohet me ligj. Gjithashtu Vetëvendosje do të thërras seancë të jashtëzakonshme të Kuvendit për PTK-në.

“Prej korrikut të 2018 është në fuqi rezoluta që Qeveria duhet të tërhiqet nga marrëveshja me kompaninë Z -mobile, kjo rezolutë është shpërfillur nga Qeveria dhe siç duket është e gatshme që të vazhdojë këtë kontratë e cila është e dëmshme”, ka thënë Konjufca.

Sipas tij edhe Prokuroria është vonuar qëllimisht dhe nuk ka hetuar këtë kontratë, transmeton KTV.

“Mënyra si është mbrojtur çështja në arbitrazh lë shumë për të dëshiruar”, ka deklaruar Konjufca, i cili ka shtuar se qëllimisht institucionet janë duke e lënë që Telekomi të falimentojë.

Vetëvendosja ka thënë se e mbështet sindikatën e PTK-së e cila kërkon që të mos vazhdohet kontrata me Z-mobile.