Arbëri

As këtë javë s’ka demarkacion, por do të ketë interpelanca

Kryesia e Kuvendit bashkë me kryetarët e grupeve parlamentare do të mblidhet sot (në orën 11) për të shqyrtuar e caktuar rendin e ditës për mbledhjet e papërfunduar nga javët e shkuara dhe për seancat e rregullta, që pritet të mbahen gjatë kësaj jave.

Por, në rendin e ditës të kësaj mbledhjeje nuk figuron çështja aq e diskutuar e demarkacionit me Malin e Zi. Ndërkaq pritet që më në fund të ndodhin interpelancat e kryeministrit Isa Mustafa dhe ministrit Blerand Stavileci, të shtyra nga seanca në seancë tash e disa javë, raporton Koha.net. Ndër çështjet që pritet se do të nxisin debat është Projektligjipër ndryshimin dhe plotësimin e Ligjit nr. 03/L-064 për festat zyrtare në Republikën e Kosovës.

Në vazhdim rendi i ditës për mbledhjen e Kryesisë së Kuvendit me kryetarët e grupeve parlamentare:

I. Miratimi i procesverbalit nga mbledhja e mëparshme,

II. Përgatitjet për seancë plenare të radhës:

1. Votimi i Projektligjit për ndryshimin dhe plotësimin e Ligjit për minierat dhe mineralet,

2. Votimi i Propozim-rezolutës në lidhje me arrestimet e aktivistëve të Lëvizjes Vetëvendosje,

3. Shqyrtimi i parë i Projektligjit për aftësimin, riaftësimin profesional dhe punësimin e personave nga pjesët veriore të Kosovës,

4. Shqyrtimi i Raportit të Komisionit për Arsim, Shkencë, Teknologji, Kulturë, Rini e Sport lidhur me Mbikëqyrjen e zbatimit të Ligjit nr. 03/ L-145 për fuqizim dhe pjesëmarrje të rinisë.

III. Pikat e papërfunduara nga seanca plenare, e mbajtur më 19 prill 2017:

1. Interpelanca e Kryeministrit të Kosovës Isa Mustafa, sipas kërkesës së deputetes Donika Kadaj-Bujupi, e mbështetur edhe nga 15 deputetë nënshkrues, për çështjen e shfrytëzimit e thëngjillit dhe minierën e Sibovcit,

2. Interpelanca e Ministrit Blerand Stavileci, sipas kërkesës së deputetit Visar Ymeri, i mbështetur edhe nga 15 deputetë nënshkrues, në lidhje me Kontratën e privatizimit të Kompanisë së Distribuimit të Energjisë Elektrike,

3. Votimi i rekomandimeve në lidhje me Mos zbatimi e rekomandimeve të Avokatit të Popullit nga ana e Qeverisë së Republikës së Kosovës,

4. Votimi i rekomandimeve në lidhje me shkeljen e të drejtave të punëtorëve në Kosovë.

IV. Përgatitjet për Seancë plenare të re:

1. Shqyrtimi i parë i Projektligjit për ndryshimin dhe plotësimin e Ligjit nr. 03/L-064 për festat zyrtare në Republikën e Kosovës,

2. Shqyrtimi i dytë i Projektligjit nr. 05/L-122 për Kontrollin e Brendshëm të Financave Publike,

3. Shqyrtimi i dytë i Projektligjit nr. 05/L-143 për ndryshimin dhe plotësimin e Ligjit nr. 04/L-072 për Kontrollin dhe Mbikëqyrjen e Kufirit Shtetëror, i ndryshuar dhe plotësuar me Ligjin nr. 04/L-124,

4. Shqyrtimi i dytë i Projektligjit nr. 05/L-158 për Shoqëritë Tregtare,

5. Shqyrtimi i Raportit të Komisionit për Buxhet dhe Financa lidhur me mbikëqyrjen e zbatimit të Ligjit nr. 04/L-045 për Partneritet Publiko-Privat.

V. Shqyrtimi i propozimeve dhe kërkesave