Vasfije Krasniqi-Goodman, nesër do të rrëfejë para Kongresit Amerikan për dhunën që përjetoi nga dy burra serbë kur i kishte vetëm 16 vjeç.

Në Kongresin Amerikan Krasniqi-Godman shkon me ftesë të kongresistit amerikan Eliot Engel.

‘Ambasadorja e guximit’, thotë për KosovaPress se ky takim për të është shumë i rëndësishëm.

“ Unë jam e ftuar që të shkoj si dëshmitare e gjallë e luftës, Serbia që i ka bërë krimet në Kosovë, jam me vëllezërit Bytyqi, kështu që për mua është një takim shumë i rëndësishëm. Sepse mua rasti më ka dështuar në Kosovë, tash përmes Amerikës shpresoj që diçka drejtësia të ndryshojë, sepse Amerika ka gjasa që mund të ndërmerr për rastin tim edhe rastet e 20 mijë viktimave tjera”, tha Krasniqi-Godman.