Komisioni Qendror i Zgjedhjeve mbajti sot mbledhjen e radhës, të kryesuar nga kryetarja, Valdete Daka, bëri të ditur KQZ përmes një njoftimi për media.
Në këtë mbledhje u njoftua lidhur me procesin e krijimit të listës preliminare të votuesve për zgjedhjet e jashtëzakonshme për kryetarë të komunave: Mitrovica e Veriut, Zubin Potok, Leposaviq dhe Zveçan, të cilat do të mbahen më 19 maj.
Sipas të dhënave jopërfundimtare, numri i votuesve në këto katër komuna është: 58 mijë e 520 votues, apo 1 mijë e 507 votues më shumë në krahasim me zgjedhjet lokale të vitit 2017. Mbështetur në të dhëna jopërfundimtare, numri i votuesve në Mitrovicën e Veriut është 22 mijë e 242; në Zubin Potok 8 mijë e 612; në Leposaviq 18 mijë e 390; dhe në Zveçan 9 mijë e 276.
Në vazhdim të mbledhjes KQZ-ja mori vendim për kufizimin e shpenzimeve të fushatës zgedhore (13 maj – 17 maj) të zgjedhjeve të jashtëzakonshme për kryetar të komunave: Mitrovica e Veriut, Zubin Potok, Leposaviq dhe Zveçan. Sipas vendimit të KQZ-së, duke u mbështetur në Rregullën zgjedhore për kufizimin e shpenzimeve të fushatës, shuma e mjeteve për shpenzimet e fushatës zgjedhore është 0.5 euro për votues të regjistruar në komunën përkatëse. Vendimi i KQZ-së mbështetet në listën jopërfundimtare të votuesve në këto katër komuna.
Komuna |
Numri i votuesve sipas listës preleminare të votuesve |
Shuma e lejuar |
MITROVICË E VERIUT |
22 242 |
11 121 € |
ZUBIN POTOK |
8 612 |
4 306 € |
LEPOSAVIQ |
18 390 |
9 195 € |
ZVEÇAN |
9 276 |
4 638 € |
|
|
29 260 € |
-
12 prill 2019 14:31
-
Shpërndaje në: