Më 31 mars të vitit 1999, forcat serbe rrethuan fshatin Pastasellë të komunës së Rahovecit, për të vrarë e masakruar 106 civilë, përfshirë edhe ata që ishin strehuar aty.
Në mesin e të vrarëve ishte edhe 16-vjeçari Armend Mërlaku, nga komuna e Klinës.
Trupi i Armendit, edhe pas 20 vjetësh, ende nuk është gjetur, raporton KTV.
Nëna e tij, e cila ka të vrarë edhe burrin, me lot kujton momentin kur serbët ia morën nga duart djalin e saj.
Në ditën e fundit të muajit mars, janë kujtuar 106 të vrarët në masakrën e Pastasellës.
Familjarët e viktimave vazhdojnë që të kërkojnë drejtësi, derisa fajësojnë e kritikojnë politikanët se nuk e kujtojnë mjaftueshëm të kaluarën e vendit.
Nga masakra mbijetuan vetëm 13 persona, e disa prej tyre dëshmuan edhe në Tribunalin e Hagës, për tmerrin që kishin përjetuar 20 vjet më parë.
Në përkujtim të masakrës së Pastasellës, kryetari i komunës së Rahovecit, ka kërkuar zbardhjen e çështjes së personave të zhdukur gjatë luftës, si dhe drejtësi në raport me kryerësit e këtij krimi.
-
Nga: Dorentina Thaqi
-
31 mars 2019 19:05
-
Shpërndaje në: