Nuk harron shqiptari, thotë ish kryeministri i Kosovës, Ramush Haradinaj, në fjalimin e tij drejtuar qytetarëve në sheshin Zahir Pajaziti pas arritjes nga Strasburgu.
Haradinaj, që ishte për katër muaj i ndaluar në Strasburg për shkak të një fletëarresti të lëshuar nga Serbia dhjetë vjet më parë, ka deklaruar se qeveria serbe duhet të ketë parasysh se e ka gabim mendimin se shqiptarët kanë harruar flijimin që kanë bërë gjatë luftës.
"Duhet t'ia bëjmë ashtu siç ja ka bërë kroati", thotë Haradinaj.
Haradinaj thotë se ata që e krijuar këtë situatë janë po të njëjtit që në kohë të luftës i sulmuan në shtëpinë e tyre në Gllogjan.
"Janë po këta njerëz që kanë provuar me na vra te gjithëve, Vuçiqi, Daçiqi e baba i tyre Milosheviqi", ka thënë Haradinaj.
Haradinaj thotë se duhet treguar vendi edhe të nënshtruare në Kosovë, që sipas tij e kanë bllokuar vendin tash e dy vite.
"Qe dy vjet jemi blloku se s’po guxojmë me thanë që kemi gabuar, se kufiri është gabim", ka thënë Haradinaj.
-
27 prill 2017 22:37
-
Shpërndaje në: