Arbëri

Moti sot në Shqipëri

Moti për ditën e sotme në Shqipëri parashikohet me alternime kthjellimesh dhe vranësira deri të dendura të përqendruara në pjesën Veriperëndimore të vendit.

Sipas Shërbimit Meteorologjik Ushtarak, do të ketë reshje shiu në veriperëndim, fillimisht me intensitet të dobët, e pasdite reshjet fitojnë intensitet deri mesatar, transmeton atsh.

Temperaturat minimale do të lëvizin nga 1 deri në 9 gradë, ndërsa maksimalet do të arrijnë nga 16 deri në 25 gradë celsius.

Era do të fryjë me drejtim Juglindje-Jugperëndim 1-10 m/sek e përgjatë vijës bregdetare deri 20 m/sek.

Valëzimi në dete parashikohet i forcës 3-4 me lartësi vale 1.2-1.5 metra.