Kryetari i Kuvendit të Shqipërisë, Ilir Meta, ka përshëndetur lirimin e ish-kryeministrit të Kosovës, njëherësh kryetar i AAK-së, duke thënë se Ramush Haradinaj fitoi të drejtën e tij të mohuar padrejtësisht për t’u kthyer pranë familjes së tij të dashur, simpatizantëve dhe qytetarëve, të cilët e mbështetën pa kushte gjatë qëndrimit të tij të detyruar në Francë.
“Ramush Haradinaj fitoi lirinë, për të cilën kanë sakrifikuar ai, familja e tij dhe vetë Kosova. Gjithmonë kam besuar se drejtësia franceze do të vinte në vend një të drejtë të merituar për Ramushin dhe për Kosovën”, ka thënë Meta.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKreu i Kuvendit të Shqipërisë përshëndet verdiktin përfundimtar të gjykatës franceze në Colmar për lirimin e Haradinajt, ndonëse e quan të vonuar dhe në këtë mënyrë i jep fund një procesi të pakuptimtë juridikisht dhe të padobishëm politikisht.
Ramush Haradinaj është liruar sot nga gjykata e Colmarit në Francë, ku ishte arrestuar më 4 janar të këtij viti me urdhërarrest të Serbisë për kinse krime lufte në Kosovë.