Arbëri

Hoxhaj: Ishim të bindur për pafajësinë e Haradinajt

Ministri i Punëve të Jashtme, Enver Hoxhaj ka uruar qytetarët e Kosovës për lirimin e Haradinajt.

Në një postim në Facebook, Hoxhaj ka thënë se gjykata e Colmarit vetëmse ka vërtetuar pafajësinë e Haradinajt, për të cilën Kosova ka qenë e sigurt nga fillimi.

“Një lajm i jashtëzakonshëm këtë mëngjes. Më në fund gjykata e Colmarit ka vërtetuar ato qe ne në Kosovë i kemi pasur të qarta nga fillimi, që Ramush Haradinaj është i pafajshëm dhe duhet të lirohet për t'iu bashkuar familjes, qytetarëve dhe Kosovës. Mirënjohje shtetit të Francës dhe diplomatëve të Kosovës për angazhimin. Urime”, ka shkruar Hoxhaj.