Pavarësisht kundërshtimeve të shoqërisë civile, kanë filluar punimet në hidrocentralin që prish bukuritë natyrore të kanioneve të Holtës në afërsi të Gramshit.
Kundër këtyre punimeve dhe dëmit që po i bëhet kanioneve, është ngritur një peticion që ka marrë 3 mijë nënshkrime deri më tani ndërsa më 25 janar do të protestohet në Tiranë për këtë çështje.
Fotografi Nëntor Oseku ka reaguar ndaj ndërtimit të HEC-it duke shpërndarë disa fotografi të kësaj perle të Shqipërisë.
Oseku po ashtu ka ftuar njerëzit që të nënshkruajnë këtë peticion si dhe të bëhen pjesë e protestës e cila do të mbahet të premten.
“I indinjuar thellë për shkatërrimin e këtij monumenti të mbrojtur natyror, që do të ndikonte negativisht në turizmin shqiptar, ftoj miqtë dhe adhuruesit e shumtë të natyrës që masivisht ta nënshkruajnë peticionin, përkatësisht të marrin pjesë në protestën e organizuar nga aktivistët atdhetarë dhe shoqata “Zagoria”, e paraparë të mbahet në Sheshin Skenderbej në Tiranë, të premten, me datën 25.01.2019, duke filluar nga ora 11:00”, ka shkruar ai.
-
22 janar 2019 23:06
-
Shpërndaje në: