Për Shtetet e Bashkuara të Amerikës, bashkimi i Shqipërisë me Kosovën cënon stabilitetin e rajonit.
Ambasadori i SHBA-ve në Tiranë, Donald Lu tha sot se “qeveria amerikane mbështet sovranitetin e Kosovës dhe Shqipërisë, por është kundër çdo diskutimi të pakujdesshëm për bashkim”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ai pengon stabilitetin e rajonit dhe rrugën europiane për të dyja vendet”, tha Lu në një deklaratë për rrjetin “BIRN”, transmeton tch.
Deklarata më e fortë për një bashkim të mundshëm të Shqipërisë me Kosovën erdhi nga presidenti i Kosovës, Hashim Thaçi, i cili duke kritikuar Bashkimin Europian për vonesën e proceseve integruese të tij theksoi se, nëse BE i mbyll derën Kosovës, të gjithë shqiptarët në rajon do të jetojnë në një hapësirë të vetme, për t’u integruar pastaj më tej në familjen evropiane.
Por deklarata e Thaçit për “Politico” erdhi pas asaj të Edi Ramës, i cili me tone të tjera ngriti shqetësimin se vonesa e BE do të rrisë zërat nacionalistë dhe pavarësisht se mënyra e vetme për të ruajtur një Ballkan paqësor është bashkëpunimi.
“Nëse nuk ka shpresë, nuk ka perspektivë, nuk ka hapësirë, atëherë sigurisht që edhe unionet e vogla mund të ndodhin, tha kryeministri Rama për “Politico”.