Arbëri

Përplasjet ‘testuese’ të BE-së dhe Qeverisë së Kosovës

Foto: Këshilli i Evropës

Vendimi i Qeverisë së Kosovës për taksën prej 100 për qind për produktet e importuara nga Serbia dhe Bosnjë e Hercegovina, kanë nxituar reagimet e zyrtarëve të Bashkimit Evropian. Këta të fundit përmes letrave drejtuar Qeverisë së Kosovës, i kanë kërkuar asaj heqjen e kësaj takse dhe kanë shprehur zhgënjimin për këtë vendim. Qeveria e Kosovës, po ashtu përmes një letre i ka thënë BE-së se vendimi i saj për taksën nuk do të ndryshojë.

Ne anën tjetër, presidenti i Serbisë, Aleksandar Vuçiq, ka thënë se Serbia nuk do ta vazhdojë dialogun për normalizimin e marrëdhënieve me Kosovën, në rast se kjo e fundit nuk e heq taksën.

Njohësit e zhvillimeve politike në vend, vlerësojnë se përplasjet përmes letrave ndërmjet zyrtarëve të BE-së dhe Qeverisë së Kosovës, nuk janë shënuar ndonjëherë më parë.

Agon Maliqi, analist i çështjeve politike, duke folur për Radion Evropa e Lirë, vlerëson që vendosja e taksës për mallrat serbe nga Qeveria e Kosovës, në rrethana normale do të konsiderohej jonormale. Por, sipas tij, këtë masë Kosova është detyruar ta vendosë. Sipas tij, në kohën kur po zhvillohet dialogu Kosovë - Serbi për normalizimin e marrëdhënieve, Serbia po e konteston sovranitetin e Kosovës nga jashtë.

Siç thotë ai, me vendosjen e taksës ose edhe me formimin e ushtrisë, Kosova po e konsolidon shtetësinë nga brenda dhe kjo do të jetë pika fillestare prej të cilës Kosova do të pranojë të ulet që të negociojë në fazën e ardhshme të dialogut.

Shkrimin e plotë e gjeni në Radion Evropa e Lirë.