Gjatë ditës së sotme në Tiranë, do të zhvarrosen eshtrat e heroit Ilir Konushevci së bashku me eshtrat e Hazir Malës.
Pas zhvarrimit të tyre, forcat shqiptare pritet t’i dorëzojnë ato tek Forca e Sigurisë së Kosovës, në ora 16:00 në Prizren.
Ndërsa, rivarrimi i eshtrave të këtyre dy heronjve pritet të bëhet gjatë ditës së nesërme, më 27 nëntor, në ora 14:30.
Rivarrimi i tyre do të bëhet pranë varrit të veprimtarit, Adem Demaçi.
Nesër do të mbahen edhe aktivitete të tjera në nderim e rikujtim të këtyre dy heronjve:
12:00 Homazhe në hollin e Kuvendit
13:00-Akademi Përkujtimore në Teatrin Kombëtar
14:00 Nisja e kortezhit
14:30 Rivarrimi i tyre në Varrezat e Dëshmorëve në Prishtinë
Ilir Konushevci ka qenë njëri nga komandantët dhe udhëheqësit kryesor të UÇK-së në Llap. Konushevci ka lindur më 20 qershor të vitit 1969 në fshatin Llugë të Podujevës dhe është vrarë më 9 maj të vitit 1998 dhe ishte varrosur në Tiranë.
-
26 nëntor 2018 09:35
-
Shpërndaje në: