Kryeministri i Kosovës, Ramush Haradinaj, nuk do ta shkarkojë menjëherë zëvendësministrin të Administratës Publike, Bujar Nerjovaj, pas ngritjes së akuzës në Prokurorinë e Prizrenit.

LEXO EDHE: Aktakuzë për keqpërdorim të detyrës zyrtare ndaj ish-drejtorit të Inspektoratit në Prizren

Ai e arsyetoi këtë se akuza e ngritur ndaj zëvendësministrit ka të bëjë me kohën sa ai ka qenë drejtor në Komunën e Prizrenit.

“Më vjen mirë që ligji po e bën punën e vet. Pra për këdo qoftë, nuk ka amnisti për askënd, veprim politik si tipin e shkarkimit, si ka ndodh me Cena, nuk do të ndërmarrë menjëherë, për shkak se duhet të shihet si është vepra, por nëse një zëvendësministër apo ministër dikush akuzohet në qeveri për detyrën që ia kam besuar, unë atëherë veproj menjëherë. Nuk ka lidhje a është zëvendësministër apo ministër të partisë sime a cilado parti, askush nuk ka amnisti në këto tema”, tha ai, përcjell kp.

Këto komente Haradinaj i ka bërë pas homazheve pranë shtatores së Zahir Pajazitit në Prishtinë, sot në ditëlindjen e 56-të tij.