Për produktet bazike si qumështi, djathi, vezët, sheqeri, pemët dhe perimet qytetarët e Kosovës kanë paguar më shtrenjtë për 0.8 për qind në janar se sa në muajin paraprak.
Kështu, derisa në dhjetor të vitit të kaluar 30 copë vezë kanë kushtuar rreth 2.90 euro, çmimi i tyre është rritur në 3.10 euro në muajin janar të këtij viti, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKonsumatorët kanë paguar 42 centë më shumë për një kilogram çaj, ndërsa 23 centë më shumë për një kilogram kafe të bluar. Rritje të çmimeve ka pasur edhe për domate, prej 82 centë sa ishte në dhjetor të vitit të kaluar ai është ngritur për 38 centë më shumë në janar të këtij viti. Edhe specat janë shtrenjtuar për 54 centë kilogrami.
Këto të dhëna janë publikuar nga Agjencia e Statistikave të Kosovës (ASK) në “Indeksin e harmonizuar të çmimeve të konsumit” për muajin janar 2017. Sipas këtyre të dhënave del se indeksi i harmonizuar i tërësishëm i çmimeve të konsumit në vend është më i lartë për 0.8 për qind në muajin janar, krahasuar me muajin dhjetor të vitit të kaluar.
Sipas këtyre të dhënave, indeksi i çmimeve të konsumit është më i lartë për 1.7 për qind në muajin janar 2017, krahasuar me muajin janar 2016. (Artikullin e plotë mund ta lexoni në numrin e sotëm të Kohës Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.