Zbulohet piktura e Renuarit e vjedhur 60 vjet më parë
Artikujt tjerė
- Zbulohet piktura e Renuarit e vjedhur 60 vjet më parë
- Gjeti kërpudhën që peshon 50 kg
- Britanikut i kujtohet çdo detaj i dhjetë viteve të fundit
- “Jam 110 vjeç, sepse lash cigaren kur isha 104 vjeçe”
- Kufijtë më të rrezikshëm të globit
- Futbolli i ri: Një top, tri skuadra dhe tre gola (video)
- Këpucët e zonjës Marcos
- Zbulohet versioni paraardhës i "Mona Lizës"
- Në Rumani përgatitën 19 ton sallatë
- Shkon në punë duke fluturuar
Policia dhe administruesit e muzeut të Baltimorës po përpiqen të zbulojnë peripecitë e një pikture të Renuarit, që u vodh nga muzeu mbi 60 vjet më parë dhe përfundoi në një kuti me objekte të rëndomta që u shit për 7 dollarë 2 vjet të shkuara.Gruaja që e bleu kutinë në një treg të hapur për sende të përdorura, kishte në plan të shiste sot në ankand pejsazhin me titull “Në brigjet e Lumit Sen”. Por ankandi është anuluar, raporton VoA.
Pasi e kishte në zotërim për dy vjet pikturën, gruaja kishte vendosur ta analizonte nëse ishte e vlefshme dhe një firmë koleksioniste e kishte informuar që ishte vepër e Renuarit me vlerë aktuale 75 mijë dollarë.
Në vitin 1937 Muzeu i Artit në Baltimore e huazoi pikturën nga koleksionistja e artit Saidie May. Piktura u vodh në vitin 1950 dhe zbulimi i saj këtë vit ka çuar në dilemën se kujt i takon tashmë kjo vepër arti – familjes së koleksionistes May, Muzeut të Baltimorës, kompanisë së sigurimeve që dëmshpërbleu muzeun në vitet 1950 apo gruas që e bleu për 7 dollarë dy vjet më parë. Mbetet ende mister se si piktura e vlefshme përfundoi në një kuti me orendi pa vlerë.
