Të vriten pulëbardhat për të shpëtuar balenat
Artikujt tjerė
- Shëtit nëpër rrugë pitonin e gjatë 6 metra
- Të vriten pulëbardhat për të shpëtuar balenat
- Autobusi i gjatë si treni
- Njeriu i vetëm në botë që jeton pesë muaj pa zemër
- 63 vjet në avion
- Meshkujt gënjejnë më shumë se femrat
- Britanikët fotografohen lakuriq në mbështetje të Princit Harry
- Kartolina nga Marsi (Foto)
- Akulli në Arktik shkrihet në nivel rekord
- Qeni me këmbë artificiale
Të qëllohen pulëbardhat për të shpëtuar balenat. Kjo është ideja që po zë vend gjithnjë e më shumë mes autoriteteve lokale të Puerto Madryn në Patagonia të Argjentinës. Sipas autoriteteve, pulëbardhat janë shndërruar në një kërcënim të vërtetë për balenat, pasi ushqehen me mishin dhe lëkurën e tyre gjatë kohës kur kafsha gjigante ujore del në sipërfaqe. Rastet e ngordhjes së balenave si pasojë e dëmtimeve të mëdha të marra nga pulëbardhat janë shtuar ndjeshëm vitet e fundit.
Kjo sipas autoriteteve argjentinase është pasojë edhe e rritjes së konsiderueshme të numrit të shpendëve në Gjirin e Puerto Madryn, e njohur nga biologët si zona më e madhe në botë e preferuar nga balenat për riprodhimin e tyre.
“Balenat sjellin turistë dhe turistë para. Për të mos u privuar nga këto të ardhura, po mendohet seriozisht që të autorizohet policia bregdetare që të hapë zjarr ndaj pulëbardhave”, thotë një zyrtar lokal, transmeton TCH.
Por ideja për asgjesimin e pulëbardhave kundërshtohet fort nga ambientalistët dhe shoqata të mbrojtjes së kafshëve dhe shpendëve. Sipas tyre, autoritetet duhet të ndalojnë peshkatarët të hedhin në det mbeturinat në mënyrë numri i këtyre shpendëve të reduktohet natyralisht.
