Gjykata Australiane e lodhur nga lufta “qesharake” mes të Apple dhe Samsung
Artikujt tjerė
- Lumturia arrihet në moshën 55-vjeçare
- Yahoo “blen” blogun Tumblr mbi 1 miliard dollarë
- Lëngjet me sheqer, fajtor për gurët në veshka
- Stavridis: Siguria kibernetike, sfidë
- Zbulohet uji i vjetër 3 miliardë vjet, zgjohet shpresa për jetë edhe në Mars (video)
- SHBA: Kthesë e madhe në klonimin njerëzor
- Shpërthimi në Hënë (video)
- Të gjithë jemi afrikanë
- Një asteroid masiv kalon pranë tokës më 31 maj
- Aeroplani-veturë arrin së shpejti
Sidney, 26 korrik - Apple dhe Samsung u përpoqën edhe një herë të vazhdojnë luftën e tyre globale rreth patentave.
Gjyqtarja e Gjyqit Federal, Annabelle Bennett padyshim nuk ishte e kënaqur. Sipas Bloomberg, ajo tha se ky konflikt ishte “qesharak” dhe se duhej zgjidhur me ndërmjetësim.
Apple vs. Samsung së pari u paraqit në Australi vitin e kaluar kur Apple ngriti padinë kundër Samsung për kopjimin e pamjes dhe formës nga pajisjet iOS të telefonave mobil Galaxy dhe tabletëve. Konflikti së shpejti u përhap jashtë vendit, duke përfshirë edhe Australinë, transmeton Ithqip. Samsung u përgjigj duke paditur Apple në Shtator rreth tre patenteve që kishin të bënin me 3G transmetimin e të dhënave, por më parë zyrtarët Australian përkohësisht ndaluan Galaxy Tab 10.1 në mbarë vendin. Më vonë kjo pajisje u kthye sërish në dyqane.
Gjyqtarja Bennett nuk ishte e kënaqur me rikthimin e dy kompanive në gjykatën Australiane. Po të ishin këto cilado nga kompanitë e tjera, rasti do të mund të ishte zgjidhur menjëherë përmes dialogut, tha ajo, sipas Bloomberg.
Nuk është e qartë nëse kjo vërtetë do të ndodhë. Në SH.B.A, Apple dhe Samsung bënë përpjekje të zgjidhnin mospajtimet përmes bisedimesh, por pa rezultat. Në të vërtetë, kohët e fundit, një gjykatë amerikane e ndaloi shitjen e Galaxy Tab 10.1 në vend.
Rasti mori hov sërish një muaj pasi Apple ishte gjobitur rreth 2 milionë dollarë për mashtrimin e publikut Australian rreth aftësive të pajisjes së re iPad 4G.
