Mund të hani çka të doni dhe të dobësoheni

Vaksina revolucionare, e cila do t’u mundësonte njerëzve të kënaqen me ushqimin e shpejtë e kalorik dhe të yndyrshëm dhe njëkohësisht të dobësohen, mund të gjendet në treg së shpejti.

Shkencëtarët kanë shpikur vaksinën kundër trashjes, e cila shfrytëzon sistemin e imunitetit për të parandaluar trashjen. Ata gjatë testimit u kanë dhënë minjve një injeksion në ditë. Pas katër ditëve tek minjtë është vënë re humbja e peshës trupore për 10 për qind.

Kafshët gjatë kësaj kohe janë ushqyer me ushqim të yndyrshëm dhe kalorik. Nëse ky injeksion është i suksesshëm në njerëz, kjo do të thotë që do të mundësojë konsumimin e ushqimit të shijshëm dhe me shumë kalori pa frikë nga trashja, shkruan “Daily Mail”.

Megjithatë, ekspertët theksojnë që nuk duhet të hiqni dorë nga ushqimi i shëndetshëm, sepse ushqimi tepër i yndyrshëm lë pasoja të tjera të dëmshme për shëndetin. Hulumtimi më i ri është ende në fazën testuese, ndërsa injeksioni mund të gjendet në treg vetëm pas shtatë vjetësh.

Injeksioni vepron ashtu që “mashtron” sistemin e imunitetit, i cili pastaj krijon antitrupa kundër hormonit i cili quhet somatostatinë.

Truri dhe sistemi tretës prodhojnë somatostatinën, i cili vepron ashtu që pengon hormonet e tjera, çka çon deri te ngadalësimi i metabolizmit dhe trashja. Antitrupat nga injeksionet duhen të ndalin veprimin e tij, çka do të përshpejtonte metabolizmin dhe nxiste dobësimin.

Autori kryesor i studimit, Keith Haffer, nga kompania amerikane Braasch Biotech ka thënë që ky studim tregon që trashja ka mundësi të shërohet me vaksinë.

Komente (1)Shpërndaje artikullin

• 15:31Kozmonautja kineze mbajti një leksion nga orbita e Tokës
• 15:30Krasniqi përgëzon për Ditëlindjen e Mbretëreshës britanike
• 15:24Komuna e Mitrovicës reagon ndaj dëmtimit të urës
• 15:2328 Nëntori të bëhet festë zyrtare
• 15:19Paga mesatare në Mal të Zi - 480 euro
• 15:14Berisha: Nëse humbas do të pranoj rezultatin
• 15:06Salustro kërkon edhe dy muaj paraburgim për “Grupin e Drenicës”
• 14:56Sivjet jashtë Kosove u trajtuan 500 pacientë
• 14:52Vjet, brenda dhe jashtë Kosovës, pati 34 932 lindje
• 14:39Britania konfirmon mbështetjen për FSK-në