“N’kuzhinë te Linda” sjell receta ushqimesh verore

Prishtinë, 27 korrik - Ditët e nxehta të verës mund të kalohen më lehtë në shoqërinë e kanalit më alternativ në Kosovë. Kohavision ka menduar edhe për ushqimet e verës. Për të dhënë propozimet e duhura se çka mund të përgatisin shikuesit e KTV-së gjatë këtyre ditëve, stafi i këtij kanali ka rezervuar hapësirë për një rubrikë të re televizive. “N’kuzhinë me Lindën” titullohet rubrika e cila do të transmetohet në kuadër të emisionit “Monochrom”, të shtunave dhe të dielave në orën 21:15. Linda, një e pasionuar pas kuzhinës, për dhjetë minuta do të demonstrojë receta të cilat janë të përshtatshme për verë.

Dardan Selimaj, producent i programit në Kohavision, ka dhënë më shumë detaje për rubrikën e re.

“Linda e udhëheq vetë emisionin. Ajo është një kuzhiniere nga kryeqyteti dhe emisioni xhirohet në ambient shtëpiak. Shumica e perimeve që përdor janë kultivuar në bahçen e saj”, ka shpjeguar Selimaj.

Sipas tij, “N’kuzhinë me Lindën” do të jetë një format i ri televiziv i përgatitjes së recetave.

“Është një format i shkurtër. Për dhjetë minuta ajo përgatit ushqimet. Në sezonin veror do të transmetohet në kuadër të ‘Monochrom’, ndërsa nga shtatori nis në kuadër të programit të mëngjesit dhe do të ketë format ditor”, ka thënë ai.

Derisa ka thënë se ideja e “N’kuzhinë te Linda” është që shikuesve të KTV-së t’u dhurohen receta për një kohë të shkurtër, Selimaj ka zbuluar se çka do të ketë në edicionin e parë, që transmetohet të shtunën.

“Ajo demonstron pak receta tradicionale, por ka kryesisht receta me ushqimet e verës. Dy recetat e para janë një formë e re e gatimit të karkalecave të detit dhe përgatitja e ushqimeve me mjedra”, ka thënë ai.

Komente (14)Shpërndaje artikullin

• 09:27AI: Marrëveshja e Brukselit shpërfill të drejtat e njeriut
• 09:06Kosova nuk figuron në agjendën e FIFA-së
• 08:57Prestreshi: SMS-të në rastin e MTPT-së janë të falsifikuara
• 08:52Presidenten tonë pak homologë e vizituan
• 08:42Vrasje në lagjen Saraj të Shkupit
• 08:41Prishtina me pllakë mbron Holokaustin nga harresa
• 22:33Barka “zbarkon” në mes të autostradës
• 22:28Giffoni premton rrugë për nxënësit e Mihirit
• 22:12Daçiqi konfirmon dakordimin, “më shumë punë e pret Prishtinën”
• 21:53Tre të arrestuar për falsifikim parash