Sonte në KTV mund të ndiqni: *** 17:40 Express *** 18:55 Marketing *** 19:00 LAJMET E MBRËMJES *** 19:40 Sporti në KTV *** 20:05 Rubiko *** 21:15 Serial: “ LALE ” epis. 189 *** 22:20 Dokumentar: E Përkryera te Plastika - epis 5 *** 22:55 Marketing *** 23:00 Interaktiv ...

E mësojnë shqipen për interes punësimi

Artikujt tjerë

Publikuar: 28.10.2012 - 21:55

Prishtinë, 28 tetor - Gjuha shqipe ka ngjallur interes për disa të rinj serbë. Në Katedrën e Gjuhës, Letërsisë dhe Kulturës Shqipe në Universitetin e Beogradit regjistrohen më shumë se 10 studentë në vit, raporton KTV-ja. Studentët që po e përvetësojnë këtë gjuhë mendojnë se do të kenë shumë perspektivë me këtë profesion.

Jeton në kryeqendrën e Serbisë, është shtetas i saj, por flet mirë shqipen.

Dushan Saviq nga Vërshaci, i cili jeton në Beograd, pas përvetësimit relativisht të mirë të shqipes tashmë ka nisur edhe studimet master në këtë katedër të UB.

Saviq nuk përjashton mundësinë që, nëse i jepet rasti, të vijë për të punuar në Prishtinë.

Bashkë me Dushanin, gjuhën shqipe po e studiojnë edhe Nevena Zindoviq, Biljana Baçeviq dhe Milica Stoshiq.

Të përkrahur nga prindërit për vendimin që kishin marrë, ata tregojnë se një gjë përkrahje të tillë nuk e gjetën në fillim edhe në shoqëri.

Ndërkaq, motivet për ta studiuar gjuhën shqipe ishin të ndryshme.

Biljana Baçeviq, e cila ka lindur në Pejë, thotë se lidhja me Kosovën është arsye pse ajo po e mëson këtë gjuhë.

Ndërsa për Milicën, nga Vraja, kjo gjuhë do të jetë ndihmesë për punësim.

Në Katedrën e Gjuhës Shqipe regjistrohen rreth 12 studentë në vit, ndërsa janë 5 ligjërues shqiptarë dhe 2 serbë që përbëjnë stafin akademik, kurse gjatë vitit ligjërojnë edhe profesorë të tjerë nga Shqipëria.

Atyre u del problem me literaturën, të cilën nganjëherë duhet ta sigurojnë vetë, ndërsa orë praktike bëjnë në parkun e studentëve, kur bisedojnë për tema të lira, edhe pse thonë se nuk e dinë nëse gabojnë, sepse nuk ka kush t'i korrigjojë.