“Frigoriferi” - premierë në Ferizaj
Artikujt tjerė
- “Frigoriferi” - premierë në Ferizaj
- “Njerëzit e Kosovës” - për imazhin e shtetit të ri
- “SculpEdu” bashkon skulptorët në Prizren
- Në Junik përurohet Plani Rajonal i Trashëgimisë
- Muzeu i Kosovës nuk ekspozon as 10 për qind të koleksionit
- Kalendari historik, 20 shtator
- U hap ekspozita “Kososvo’s People”
- Japonia jep mbi 500 mijë euro për Orkestrën e Filarmonisë së Kosovës
- Libri për Putinin, në garë për “Samuel Johnson Prize”
- Carlos Santana shkruan memoaret
Prishtinë, 20 shtator - Shfaqja që për temë ka historinë e dy personazheve të mbyllura në një frigorifer gjatë bombardimeve të NATO-s, do të jepet premierë sonte (e enjte) në Teatrin Profesionist “Adriana Abdullahu” në Ferizaj. Shfaqja nën regji të Fatmir Hysenit e shkruar nga Naser Shatrolli me Dardana Mehmetin e Nexhat Gjoklin në rolet kryesore do të hapë sezonin e ri të këtij teatri.
Dy heronjtë e kësaj drame, Atdheu dhe Liria, të mbyllur në frigorifer tentojnë që ta sfidojnë atë ambient duke e tallur njëri - tjetrin për të fshehur frikën nga ajo që ndodh jashtë frigoriferit. Sipas një komunikate për media të ekipit të shfaqjes, mesazhi i “Frigoriferit” është që të tregojë, se si njeriu dita-ditës po tjetërsohet. “Jemi në provë gjenerale kur po e shtrojmë shfaqjen nëpër të gjitha hallkat skenike dhe shpresojmë se ka për të reflektuar puna jonë zinxhirore”, citohet të ketë thënë Hyseni. Ndërsa, autori i dramës “Frigoriferi” Shatrolli, beson se shfaqja do të dalë mirë.
