Sonte në KTV mund të ndiqni: *** 15:15 Oxygen ® *** 17:00 KOHA E LAJMEVE *** 17:15 Oxygen ® - Vazhdimi *** 19:00 Lajmet e mbrëmjës *** 19:40 Serial Për femijë " Little Chearlies Bear " . Epis 13, 14, 15 *** 20:15 N'darkë *** 21:30 Sporti Total *** 22:55 Marketing *** 23:00 KOHA E LAJMEVE ...

Podrimja - zëri që artikuloi dhembjen dhe shpresat e Kosovës

Artikujt tjerë

Publikuar: 22.07.2012 - 08:23

Prishtinë, 22 korrik - Për miqtë e poetit të njohur Ali Podrimja, 21 korriku ka qenë një ditë zie. Lajmi për vdekjen e poetit i ka shokuar. E në ditën kur është gjetur trupi i pajetë i tij në Francë, ata që e kanë njohur nga afër poetin kanë evokuar kujtime nga takimet e shpeshta me të. Sipas tyre, kultura mbarëshqiptare ka humbur një njeri të madh të letrave. Por jo vetëm kaq. Ata thonë se krijimtaria e tij ka kohë që është shndërruar në vlerë universale. Miku i tij Ramiz Kelmendi e ka cilësuar poetin si “Migjenin e ditëve të sotme”, e për akademik Eqrem Bashën, Ali Podrimja është poeti që ka shënuar rrjedhën e kulturës e letërsisë shqipe në përgjithësi. Gazetari Zenun Çelaj, që Podrimjen e ka pasur mik për më se gjashtë dekada, thotë se ai ka jetuar në botën imagjinare të poetit, në vizionin e tij poetik. Miqtë e tij nga Akademia e Shkencave dhe e Arteve e Kosovës, kanë artikuluar qëndrimin se poezia e Ali Podrimjes për më shumë se gjysmë shekulli ishte zëri identitar i Kosovës që artikuloi dhembjen dhe shpresat e Kosovës, idealet dhe synimet e saj. Klubit letrar “De Rada” nga Ferizaj, i ka mbetur një skenar për një takim me poetin në këtë qytet. Para se të nisej për në Francë, ai vetë u kishte thënë organizatorëve të këtij manifestimi se në takimin me adhuruesit e poezisë së tij në Ferizaj, do të bëjë sapo të kthehej nga Franca.

(Më gjerësisht sot në gazetën Koha Ditore)

Komente (2)Shpërndaje artikullin