“Unioni” brenda dy muajsh siç ishte

Prishtinë, 10  korrik - Ndonëse ish-hoteli “Union” është pronë private, Komuna e Prishtinës premton se në shtator të këtij viti, kryeqytetit do t’i rikthehet një objekt i ngjashëm me atë që dikur ishte monument. Deri tani janë ngritur dy kate në vend të objektit të 1927-s, përderisa  rikonstruktimi kishte nisur pa pëlqimin e ekspertëve qysh në mars të këtij viti. Komuna e Prishtinës e Ministria e Kulturës premtojnë se objekti do të jetë i ngjashëm me atë të dikurshmin. Zyrtarë komunalë garantojnë që objekti do të ndërtohet sipas planit dhe se ish-hoteli “Union” do t’i rikthehet kryeqytetit në muajin shtator. Rreth dhjetë milionë euro investime në këto objekt kishin premtuar drejtues të lartë të kompanisë “Benetton”, e cila më 2006 u bë pronare e këtij objekti për 3 milionë e 200  mijë euro.

Asdren Osaj, zëdhënës i Komunës së Prishtinës, thotë se“Presim që punimet në këtë hotel të përfundojnë krahas punimeve në sheshin ‘Ibrahim Rugova’”, duke shtuar se sheshi do të konkretizohet në muajin shtator.

Përgjegjësinë për mbikëqyrjen e punimeve, Osaj ia ka lënë komisionit në përbërje të të cilit janë Burbuqe Bakija - Deva, dhe Mirushe Sejdullahu.

Jo të gjitha institucionet e kanë parë projektin sesi do të duket ish- hoteli “Union”. Një prej organeve më të larta këshillëdhënëse për trashëgimi është anashkaluar plotësisht.

“Gjithë kohën kemi kërkuar qasje prej akterëve institucionalë dhe pronarit, kemi ofruar bashkëpunim, por nuk kemi hasur në mirëkuptim”, ka thënë Xhejlane Hoxha, drejtoreshë ekzekutive e Këshillit të Kosovës për Trashëgimi Kulturore. Përgjigje nëse puna që po kryhet në objektin e ish-hotelit “Union” është e duhura, nuk ka as drejtori i Institutit për Mbrojtje të Monumenteve dhe Muzeu Rajonal i Prishtinës, Haxhi Mehmetaj.

“Nuk e kam parë projektin dhe nuk mund të them nëse po punohet mirë apo keq”, ka thënë Mehmetaj.

Inxhinieri i ndërtimtarisë, Fatos Tahiri, që është përgjegjës për punimet që do të kryhen në “Union”,  në mars kishte garantuar se “Unioni” do të bëhet ashtu siç ka qenë i planifikuar në projektin fillestar (gjerësisht në “Kohën Ditore”)

Komente (3)Shpërndaje artikullin

• 02:02Vdes ylli i “Sopranos”, James Gandolfini
• 22:37Protesta pro dhe kundër Erdoganit në Tiranë, arrestohen 4 persona
• 22:33Gjermanët nuk shkojnë në inaugurimin e investimit të tyre
• 22:26Afrohet dita e lindjes për Kate Middletone
• 22:21Cyrus: Alkooli, më i dëmshëm se bari
• 22:14Rita: Mamasë nuk i pëlqen si dal në skenë
• 22:05Gattuso nis aventurën si trajner i Palermos
• 21:56Capello refuzon PSG-në, Real Madridi pa Ancelottin
• 21:44Bild: Ja 10 sportistët më të mirë të të gjitha kohërave
• 21:35“Miqtë e Sirisë” mblidhen të shtunën në Doha