Rebecca Soni sërish thyen rekordin botëror
Artikujt tjerė
- Lamtumirë Londër, mirupafshim në Rio më 2016
- Sportistët amerikanë kthyen primatin me medalje
- Vaterpolo, Kroacia triumfon ndaj Italisë në finale
- E arta olimpike për hendbollistët francezë
- Reprizë e Pekinit, SHBA-ja e artë, Spanja e argjendtë
- Bolt: Erdha të bëhem legjendë, dhe u bëra
- Ugandezi Stephen Kiprotich fitues i maratonës në Londra 2012
- Londër: Atletët bashkohen në fushatën kundër urisë
- Bolt i gatshëm të garojë në kërcim së gjati
- Medalja e bronztë kursen jugkoreanët nga ushtria
Londër, 2 gusht – Në garën finale, që u zhvillua para pak çastesh në Lojërat olimpike në Londër, notarja amerikane Rebecca Soni arriti të triumfojë në disiplinën 200 metra bretkosë, duke regjistruar njëkohësisht rekord të ri botëror me kohën 2:19.59.
Duhet cekur se notarja amerikane edhe mbrëmë, në garën gjysmëfinale e theu rekordin botëror në këtë disiplinë dhe këtë gjatësi, që do të thotë se ajo rbenda 24 orëve theu dy herë rekordin botëror.
E dyta ishte japonezja Satomi Suzuki, kurse e treta rusja Julia Efimova. Që të dyja këto notare thyen rekordet e shteteve dhe kontinenteve të tyre.
Në garën 200 metra në shpinë, ndryshe nga ç’pritej, amerikani Ryan Lochte zuri “vetëm” vendin e tretë. Më i suksesshëm se ai ishte bashkëvendësi i tij, Tyler Clary, i cili ishte më i shpejt në 50 metrat e fundit dhe fitoi medaljen e artë tjetër për SHBA-në. Ai me këtë rast theu edhe rekordin olimpik të deritashëm në këtë disiplinë.
Lochte madje nuk ia doli të ruajë as vendin e dytë. Në finish atë e kaloi edhe japonezi Riosuke Irie, i cili fitoi medaljen e argjendtë, kurse Lochte u detyrua të kënaqet me medaljen e bronztë.
