Në Mitrovicë vritet një i ri, arrestohet i dyshuari
Artikujt tjerė
- Në Mitrovicë vritet një i ri, arrestohet i dyshuari
- Shtyhet prapë gjykimi në rastin ”Haxha dhe të tjerët”
- I mituri 14 vjeç vret me thikë 17-vjeçarin
- Fitoi në lloto, e vrasin për 60 mijë lekë
- Hajnat ‘çmendin’ Hajvalinë
- Një muaj paraburgim për Momçillo Stojiqin
- Shpëlarje parash në ndërtimtari e lojëra fati
- Vrasje me armë zjarri në Shkodër
- Gjirokastër: Sekuestrohen 50 kg hashash, transportohej me mushkë
- Këngëtarja Liljana Kondakçi lirohet nga burgu
Mitrovicë, 23 janar - Një person, rreth 23 vjeçar, është plagosur për vdekje me armë zjarri, në Mitrovicë në orët e para të mëngjesit të sotëm. Policia raporton se incidenti besohet të ketë ndodhur para mesnatës, në fshatin Lushtë të Mitrovicës, ndërsa viktima, B.O., me plagë të shkaktuara nga armë zjarri, ishte dërguar në qendrën emergjente spitalore të Mitrovicës, ku edhe kishte ndërruar jetë.
Policia e Kosovës është informuar lidhur me rastin përmes njoftimit nga personeli i Spitalit të Mitrovicës, të cilët kanë pranuar viktimën me plagë të rënda trupore të shkaktuara nga armë zjarri, ndërsa kanë konstatuar vdekjen e tij.
Hetuesit policorë të Drejtorisë rajonale të hetimeve në Mitrovicë së bashku me teknikët e kriminalistikës, nën udhëheqje të prokurorit të shtetit, kanë bërë këqyrjen e vendit të ngjarjes dhe inicimin e procedurave të rastit të vrasjes.
Një person, i përkatësisë etnike shqiptar, rreth 56 vjeçar, është arrestuar mbi bazën e dyshimit për përfshirjen e tij në rastin e vrasjes, ndërsa me autorizim të prokurorit të shtetit, të njëjtit i është caktuar masa e ndalimit policor deri në 48 orë.
Një revole, tip “TT” e kalibrit 7.62mm, e identifikuar në pronësi të dyshuarit, e që besohet të ketë qenë e përfshirë në këtë rast, është sekuestruar dhe evidentuar si pjesë e provave materiale për ekzaminim të mëtejmë.
Trupi i pajetë i viktimës, me urdhër të prokurorit publik, është dërguar në Institutin e Mjekësisë Ligjore në Prishtinë, për obduksion.
